Sunday, April 11, 2010

railgadi

                                                                railgadi
Gudgudati, satpat bhagti humari lambi lauhpath gamini,
Hazaron pathikon ko unke manzil pahunchati humari bhak bhak wahini,
Padh pe jiske na koi badha hai, yeh har murli wale ki radha hai,
Din rat daudti, kabhi na thakti, patri ki rani patrayini.
Dharmo ko riwazon ko ek dhage mein piroti,
Raah mein humein daal, bhaat aur roti khilati,
Har disha mein jane wali, humari marg dishayini.
Desh ki jivan rekha kehlati,
har sahar gaon ko ek pehchan dilate,
Har pal ek rekha pe chalti,
humari pyari rekha gamini.
Kashmir se kanyakumari jodti,
Gujrat ko assam se milati,
Humari sangam karayini. 
लिखा गया है: - ataul haque
Related Posts Plugin for WordPress, Blogger...